Horch amol,

des Glima is ongebli hie. Alles druggen und ausdörrt. Die Bam verrecken, weils ka Wasser mehr haben. Der Boch hot ka Wasser mehr. Es werd allas wärma, Net amol mehr a Blumma blüht mehr. Es schneit nümma. Heit morgn schau zum Fensta naus. Allas is weiß. Es hot gschneit und schneit nuch. Und es söll weider schneia. Des döff doch gornet sa ! Die bor Wochen zuvor hots grengt. Etz schneits auf amol. Des konn doch gor net sa, wu doch des Glima hie is ! Weil mir doch bal austerbn. Weil mir nämli die letzte Generation senn. Ich hob a schon mol überligt, ob i mi mit am Sekundenleber mein nackerten Bobbers eireib und den Bobbers dann auf unnera alten Wiesentbrüggn nopapp. Oba bo dera Költ ? Do gfiert ma ja alles o. Und der Gleber werd wohrscheinli a nett pabben. Ich bleib lieber daham.