Horch amol,

und Halleluja und drei Schöpperla Josef. Morgn is su weit. Wennst Corona host, muss nümmer daham bleibn Jedenfolls in Bayern nimmer. Du konnst dann draun und sogar drinner widde frei rümlafen, wie früher a, wennst an Schnupfen ghabt host. Unna Landes-Papa hot nähmli neuli gsogt, das des Corona gor net mehr su schlimm und blus nu su wos wie a Schnupefenvirus is. Wer si grong fühlt blebt daham. Alla anern döfen on morgn widder frei rümlafen. Vis aus die, die an positiven Coronatest hamm. Die döfen dann zwor a frei rümlafen, münn oba a Masken aufsetzn. Hot a der Holli gsogt.

Des werd a rechts Durchananner gebn. Wer söll den des kontrolliern ? Ob etz aner gronk ist oder net ? Ob der etz a Maskn aufhobn muss oder net ? Saudümmer geht’s echt nümmer.

Und nu wos: Wer etz dann ob morgn an Lappen im Gsicht hot, der hot ganz sicher Corona. Die, wo dann a Masken aufhamm, um die muss ma dann an grußen Bogn machen. Weil die dann nähmli zu 100 Prozent an postiven Corona-Test ham.

Is doch klor, oder ?