Ja horch amol, oder besser gsogt horch*sie und er und divers amol. Etz hob i Radio göhrt und bin dodol derschrocken. Mei Pappa wor do drin im Äder. Die Radiofraa hot doch glott gsogt, dass mei Pappa, der übrigens jünger obba grösser is als ich – wos ja a anatommisches Wunner is -gesogt hobn söll, das ma die AKWs net obschalten döff.

Ich hob ja bis ets immer gmant, mei Pappa, der Markus, is grüner als a Grüner. Wie z.B. der Robert oder die Annalena. Die zwa senn ja a grün und wolln ja, annerst wie die annern Grüner in der EU – den grüner Strom abschalten, weil Windrädla und su Sonnadinger dies überoll nobauer wölln, beser senn. Also fürs Klima und für uns alla. Bluß saublöd, das uns die Russen des Gas ohdreht habn und die Grüna uns ets die Umwelt mit Kohlekraftwerken verseuchen wolln.

Ich glab ja, do passt irgendwos ne ganz zamm. Wos gwieß was i abba a net. Ich was bluß das ma sie nimmer duschen söll, ka Licht mehr eischalten döff, ohne Deckel ka Suppn aufm Ofen mehr haß machen söll und an Fernseher ausschalten söll. Also den schalt i ohnehin scho lang nimmer ei. Kümmt ja auch nur lauter Blödsinn in der Glotzen. Des spart nämli alles Gas. Obwohl ich ja gor ka Gas hob. Sondern Pellets.

Gut nocht und nechs für ungut.